Атырауда 10 желтоқсанда екі ер және бір әйел адамның мәйіті табылды, - деп хабарлайды Tengrinews.kz тілшісі облыстық ПД баспасөз қызметіне сілтеме жасап.
17:30 шамасында Жұлдыз ықшамауданындағы жеке үйде үш адамның мәйіті табылған. Олар 1927, 1971 және 1978 жылғылар.
Қазіргі уақытта сот-медициналық сараптама тағайындалды. Сотқа дейінгі тергеу шаралары ҚР Қылмыстық кодексінің 306-бабы ("Қауiпсiздiк талаптарына сай келмейтін тауарларды шығару немесе сату, жұмыстарды орындау не қызметтер көрсету") бойынша жүріп жатыр", - делінген Атырау облыстық ПД баспасөз хабарламасында.
Әзірге олардың неден уланғаны айтылған жоқ. Болжаммен газға уланған.