31 желтоқсаннан 1 қаңтарға қараған түні қала тұрғындары мен қонақтары жаңажылдық отшашуды тамашалай алады, - деп хабарлайды Тengrinews.kz тілшісі елорда әкімдігінің ресми сайтына сілтеме жасап.
Отшашуларды Есіл өзенінің жағалауынан, Ботаникалық бақ аумағынан, сондай-ақ Абылай хан даңғылы мен Пушкин көшесінің қиылысынан көруге болады.
Салют жергілікті уақыт бойынша 00:00 басталып, 6 минутқа созылады. Фейерверк биіктігі - 210 метр, ені - 250 метр.
Әр нүктеден 3500-нан 4000-ға дейін салют ату жоспарланған.
Салют өткізуге бюджеттен қаражат бөлінбеген және ол толығымен демеушілік қаражат есебінен ұйымдастырылады.