Алматыдағы сауда орталықтарының бірінде өрт шықты, - деп хабарлайды Tengrinews.kz тілшісі Төтенше жағдайлар министрлігіне сілтеме жасап.
Ведомство мәліметінше, Әуезов ауданында орналасқан екі қабатты сауда орталығының екінші қабатында екі бутиктен өрт шыққан. Алғашқы бөлімшелер келген кезде ғимараттың терезелерінен қою қара түтін шығып жатқан.
"Жедел әрі үйлесімді әрекеттің арқасында өрттің көрші бутиктерге таралуына жол берілмеді", – делінген хабарламада.
Өрт ТЖМ қызметкерлерінің күшімен толық сөндірілді. Оған 57 адам мен 15 техника бірлігі жұмылдырылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
