+7 (777) 001 44 99
Қазақша
Русский
English
Қазақша
Русский
English
"Алтын-Емел" мемлекеттік ұлттық табиғи паркіне қарасты ғылыми ақпарат және мониторинг бөлімі қызметкерлері "Басши" орман қорық аумағынан қыранның балапандары бар ұя тапты. Бұл - Қазақстанның Қызыл кітабына енген, яғни сирек кездесетін және қорғалатын құс түрі, - деп хабарлайды Tengrinews.kz тілшісі.
Ғалымдар бұл ерекше әрі сирек кадрларды Instagram парақшасында бөлісті.
"Алтын-Емел" паркі қызметкерлерінің айтуынша, дала қыраны ұяны әдетте ашық далалы, жартылай шөлейтті немесе жазық жерлерде салады. Ұяларды кейде жерге, кейде биік бұталарға немесе тастың үстіне орналастырады. Ұя бұтақтардан, шөптерден және жануарлардың жүнінен төселеді.
Посмотреть эту публикацию в Instagram
"Әдетте аналық 2 жұмыртқа салады (кейде 1 немесе 3). Жұмыртқа басу мерзімі: 43–45 күн. Бұл кезеңде көбіне аналық басады, ал аталық тамақ тасиды. Балапандар бір уақытта емес, бірінен соң бірі шығады. Алғашқы шыққан балапан әдетте күшті болады, ал әлсізі кейде тірі қалмауы мүмкін. Балапандар толық қауырсынданып, ұядан ұшып кетуге 45–55 күн шамасында дайын болады. Осы уақыт ішінде ата-анасы оларға қорек әкеліп тұрады. Балапандар ұядан шыққан соң да бірнеше апта бойы ата-анасына тәуелді болады", – дейді парк қызметкерлері.
Дала қыраны - жыртқыш құстардың қырандар тұқымдасына жататын ірі өкілі. Ол Еуразияның дала және жартылай шөлейт аймақтарында, соның ішінде Қазақстанда кең таралған. Бұл құс экожүйеде маңызды рөл атқарады, олар жоғарғы жыртқыш ретінде ұсақ сүтқоректілер мен құстардың санын реттейді, моногамды құстар, жұптары көп жылдарға сақталады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
