Астанада қала ішінде жүк көлігін басқарған жасөспірім анықталды, - деп хабарлайды Tengrinews.kz тілшісі.
Астана ПД мәліметінше, HOWO маркалы жүк көлігі Жұмекен Нәжімеденов көшесінде тоқтатылған.
Тексеру барысында көлікті 16 жастағы жасөспірім басқарғаны анықталды. Оның жүргізуші куәлігі жоқ. Жасөспірімнің анасына әкімшілік хаттама толтырылды (Әкімшілік құқықбұзушылық туралы кодекстің 612-бабы, 2-бөлігі).
Сонымен қатар, көліктің тіркелген иесі - анасы - көлікті жүргізуші куәлігі жоқ адамға бергені үшін әкімшілік жауапқа тартылды (ӘҚБК, 612-бап, 5-бөлік).
Астана ПД жүргізушілерге жол ережелерін қатаң сақтау және жасөспірімдерді көлік басқаруға жол бермеуге шақырады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
