1. Басты
  2. Біл
  3. Жаңалықтар

БҚО-да киік атқан браконьерлер ұсталды

БҚО-да киік атқан браконьерлер ұсталды, - деп хабарлайды Tengrinews.kz тілшісі Орман шаруашылығы және жануарлар дүниесі комитетінің баспасөз қызметіне сілтеме жасап.

Комитет мәліметінше, екі браконьер ұсталған.

"Киік" кең ауқымды табиғат қорғау акциясы аясында 2020 жылғы 12 мамырда Батыс Қазақстан облыстық орман шаруашылығы және жануарлар дүниесі аумақтық инспекциясының, "Охотзоопром" ӨБ" РМҚК-ның және Қазталов аудандық полиция бөлімінің инспекторларының бірлескен рейдтік шарасы барысында Батыс Қазақстан облысы Қазталов ауданының аумағында киікті атқан екі браконьер ұсталды.

"Оқиға орнын қарау кезінде киіктің 30 мүйізі мен 15 ұшасы, ИЖ маркалы мылтық және 57 оқ табылып, тәркіленді. Бұл жағдай СДТБТ-де тіркеліп, Қылмыстық кодекстің 337-бабы бойынша іс қозғалды", - делінген хабарламада.

Қазақстан жаңалықтары. Соңғы жаңалықтар. Telegram желісінде бізге жазыл!