Қазақстан Президенті Татарстан астанасына барды, - деп хабарлайды Tengrinews.kz тілшісі Мемлекет басшысының баспасөз хатшысы Берік Уәлиге сілтеме жасап.
Татарстан астанасының халықаралық әуежайында Президент Қасым-Жомарт Тоқаевты республика басшысы Рустам Минниханов қарсы алған.
"Жұмыс сапары барысында Қасым-Жомарт Тоқаев Қазан Кремлінің көрікті жерлерін аралап көреді және Татарстан президентімен кездесу өткізеді. Сонымен қатар республиканың өзге қалаларында орналасқан "КамАЗ" және "Танеко" сияқты ірі кәсіпорындарының жұмысымен танысады", - деді Мемлекет басшысының баспасөз хатшысы.
Фото: Facebook / Берік Уәли
Еске салайық, бұған дейін Мәскеуге жұмыс сапарымен барған Қасым-Жомарт Тоқаевтың Ресей президенті Владимир Путинмен келіссөз жүргізгенін жазған едік.
жаңалық оқисыз ба? Онда Telegram желісінде парақшамызға тіркеліңіз!
