Қазақстан мен Өзбекстанның президенттері Бұхарадағы Ахуалдық орталыққа барды, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
Президенттер Қасым-Жомарт Тоқаев пен Шавкат Мирзиёев Бұхара облысының жаңа Ахуалдық орталығының қызметімен танысты. Онда тәулік бойы өңірдегі ахуалға, соның ішінде инфрақұрылым жағдайына, тұрғын үй-коммуналдық шаруашылығына, көлік жүйесіне, қауіпсіздік қызметіне және табиғи процестерге бақылау жүргізіледі.
Фото: Ақорданың баспасөз қызметі
Фото: Ақорданың баспасөз қызметі
Сондай-ақ, Ахуалдық орталық төтенше оқиғалар кезінде шұғыл қызметтердің іс-қимылын үйлестіріп, ықтимал сын-қатерлерге тосқауыл қою үшін жағдайдың өрбуін модельдеуді жүзеге асырады.
Тағы оқыңыз: «Алматыдағы жағдай өте күрделі» – Тоқаев Мирзиёевпен қалалардағы экология мәселесін талқылады