Синоптиктер 5–7 тамыз аралығында Астана мен Алматыда ауа райы қандай болатынын хабарлады, - деп хабарлайды Tengrinews.kz тілшісі.
Астана бойынша ауа райы болжамы:
5 тамыз: Ауа райы құбылмалы бұлтты, жауын-шашынсыз. Түнде және таңертең тұман. Жел оңтүстік-батыстан, түнде 1–6 м/с, күндіз 7–12 м/с. Ауа температурасы түнде +5...+7°C, күндіз +22...+24°C.
6 тамыз: Құбылмалы бұлтты, жаңбыр жауады, найзағай болады. Жел оңтүстік-батыстан 9–14 м/с, екпіні 15–20 м/с. Ауа температурасы түнде +10...+12°C, күндіз +23...+25°C.
7 тамыз: Құбылмалы бұлтты, жаңбыр, найзағай, күндіз кей жерлерде қатты жаңбыр, бұршақ күтіледі. Жел оңтүстік-батыстан 9–14 м/с, екпіні 15–20 м/с. Ауа температурасы түнде +10...+12°C, күндіз +21...+23°C.
Алматы бойынша ауа райы болжамы:
5 тамыз: Құбылмалы бұлтты, күндіз өткінші жаңбыр, найзағай. Жел солтүстік-батыстан солтүстік-шығысқа ауысып, 3–8 м/с, кейде екпіні 18–23 м/с. Ауа температурасы түнде +16...+18°C, күндіз +28...+30°C.
6 тамыз: Құбылмалы бұлтты, жауын-шашынсыз. Жел солтүстік-шығыстан 3–8 м/с. Ауа температурасы түнде +16...+18°C, күндіз +28...+30°C.
7 тамыз: Құбылмалы бұлтты, жауын-шашынсыз. Жел солтүстік-шығыстан 3–8 м/с. Ауа температурасы түнде +18...+20°C, күндіз +30...+32°C.
Қазақстан бойынша 3 күнге арналған ауа райы:
5–7 тамыз аралығында еліміздің солтүстігі мен орталығында жаңбыр, найзағай, желдің күшеюі және бұршақ күтіледі. Кей өңірлерде дауылды жел мен қатты жауын болуы ықтимал. Әсіресе, 6 тамызда Павлодар облысында, ал 7 тамызда солтүстік және орталық аймақтарда ауа райы қолайсыз болады. Оңтүстік өңірлерде ауа райы негізінен құрғақ, бірақ шаңды дауыл қаупі сақталады. Ауа температурасы түнде +5...+18°C, күндіз +18...+30°C аралығында болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
