Бүгін Президент Қасым-Жомарт Тоқаев бокстан Әлем кубогының финалын Жақсылық Үшкемпіров атындағы Жекпе-жек сарайында жанкүйерлермен бірге тамашалады, - деп хабарлайды Tengrinews.kz тілшісі.
Қазақстанда өтіп жатқан World Boxing Әлем кубогына қатысу үшін 29 елден 250 боксшы келді. Бұл – рейтингтік жарыс. Жеңімпаздардың әрбір ұпайы олимпиадаға жолдама алуға әсер етеді.
Айта кетейік, бүгін финал аясында қазақстандық спортшылар қатысатын 12 жекпе-жек өтеді:
14:00
48 келі: Назым Қызайбай (Қазақстан) - Минакши Минакши (Үндістан);
55 келі: Махмұд Сабырхан (Қазақстан) - Руй Ямагучи (Жапония);
80 келі: Нұрбек Оралбай (Қазақстан) - Йожерлен Сезар (Франция);
85 келі: Бекзад Нұрдәулетов (Қазақстан) - Джугну (Үндістан);
60 келі: Виктория Графеева (Қазақстан) - Ребека де Лима Сантос (Бразилия);
70 келі: Наталья Богданова (Қазақстан) - Лекейша Перголити (Австралия);
50 келі: Санжар Ташкенбай (Қазақстан) - Джей Брайан Барикуатро (Филиппин).
19:00
51 келі: Алуа Балкибекова (Қазақстан) - Пихла Кайво-Оя (Финляндия);
75 келі: Надежда Рябец (Қазақстан) - Суннива Хофстад (Норвегия);
80+ келі: Елдана Тәліпова (Қазақстан) - Нупур (Үндістан);
75 келі: Сабыржан Аққалұқов (Қазақстан) - Рами Киван (Үндістан);
90+ келі: Айбек Оралбай (Қазақстан) - Никита Путилов (Германия).
Жекпе-жектердің тікелей трансляциясы Qazsport телеарнасында және арнаның сайтында қолжетімді болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
