Президент Қасым-Жомарт Тоқаев Қорғаныс министрлігінде ауыс-түйіс жүргізді, - деп хабарлайды Tengrinews.kz тілшісі Ақордаға сілтеме жасап.
"Мемлекет басшысының өкімдерімен Серік Жақсығалиұлы Борамбаев Қазақстан Республикасы қорғаныс министрінің орынбасары болып тағайындалды, ол бұрынғы атқарған лауазымынан босатылды", - деп жазылған хабарламада.
Сонымен қатар, Қанат Ниязбеков Қарулы Күштер Әскери-теңіз күштерінің бас қолбасшысы лауазымына тағайындалды.
Еске салайық, 8 маусымда Қазақстан Президенті Руслан Жақсылықовты Қорғаныс министрі қызметінен босатты. Қорғаныс ведомствосының жаңа басшысы болып Даурен Қосанов тағайындалды.
Кейін Президент – Қазақстан Қарулы күштерінің Жоғарғы Бас қолбасшысы Қасым-Жомарт Тоқаев жаңа Қорғаныс министрі Даурен Қосановты қабылдап, армияның жауынгерлік дайындық деңгейін нығайту, басқару жүйесіне цифрлық шешімдерді енгізу, Арнайы операциялар күштерінің мүмкіндіктерін кеңейту, әлеуметтік және идеологиялық жұмыстың тиімділігін арттыру, сондай-ақ әскери инфрақұрылымды жаңғыртуға қатысты бірқатар нақты тапсырма берді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
