1. Басты
  2. Біл
  3. Мәдениет
  4. Өнер

"Қарағанды Аруы - 2021" анықталды 15 қазан 2021, 16:16

20 жастағы Анна Глубоковская 2021 жылғы "Қарағанды ​​Аруы" атанды, - деп хабарлайды Tengrinews.kz тілшісі.
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

20 жастағы Анна Глубоковская 2021 жылғы "Қарағанды ​​Аруы" атанды, - деп хабарлайды Tengrinews.kz тілшісі.

Қазір ол Алматыда дыбыс құрылғысы компаниясында жұмыс істейді. Музыканы жақсы көреді, шетел әдебиетін оқығанды ​​ұнатады. Бала кезінен орыс тілі пәнінен олимпиадаларға қатысып, мектеп намысын қорғаған. Сонымен қатар, Анна визажист мамандығын да кәсіби түрде меңгеруді жоспарлайды.

"Мен өмірде сұлулыққа ұмтылдым, өйткені бәрі сұлулықты жақсы көреді, бәрі соған ұмтылады, ал бет әрлеу оны жүзеге асыруға көмектеседі. Қазір өзімді дамытып, сонымен қатар, өзіме жаңа қызығушылықтар мен хобби іздеймін", - деді ол.

Оның отбасында анасы мен сіңлісі бар. "Қарағанды ​​Аруы - 2021" бақытты балалық шағы, әсіресе, ата-әжесімен өткізген жазғы демалыстағы естеліктерін қуанышпен еске алатынын айтты.

"Отбасымыз тату әрі үнемі қолдау көрсетеді, анам әрқашан Ксения екеумізге өзімізге сенімді болуды, жарқын болашаққа сенуді үнемі айтып отырады, мен оған өте ризамын. Бізге қоршаған ортаға, табиғатқа деген сүйіспеншілік арқылы өзімізді сүюді үйретті. Әжем мен атам бізді жақсы көрді. Мен кез келген уақытта атам мен әжеме қонаққа барғанды ​​жақсы көретінмін, өйткені барған сайын біз үшін мереке еді. Әсіресе жазда көңілді болатын: ағашқа шығып, төңкеріліп тұру, секіру, жүгіру, қуып жету және көңілді, қатты айқайлау. Мен балалық шағымды қуанышпен еске аламын, өйткені отбасым қасымда болды", - деді ол.

Алғаш рет өңірдегі байқаулар онлайн өтіп жатыр. Жұлдызды қазылар алқасы 10 финалистің сауалнамасын қарап, фотосуреттері мен визиткаларын көрді, ZOOM-конференцияда қыздармен сұхбат өткізді. Алғаш рет көрермендер қазылар алқасының отырысын және қатысушылардың сұхбатын көруге мүмкіндік алды.
 
Қазылар алқасында актер Тәуекел Мүсілім, әнші Мәдина Сәдуақасова, "Қазақстан Аруы - 2013" иегері, тележүргізуші Айдай Исаева, KFW негізін қалаушы, дизайнер, стилист AlexChzhen бар.

Бұған дейін Әйгерім Сухинова "Атырау Аруы" атанса, "Түркістан Аруы" 18 жастағы Сұлтанбибі Шахапова, "Ақтөбе Аруы" - Назерке Карманова,"Павлодар Аруы" - Айдана Жұмабекова, "Орал Аруы" - Екатерина Кужекешова, "Алматы Аруы"  Азиза Тоқашева болған еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram