Құрманғазы оркестріне 85 жыл. Алматы мен Нұр-Сұлтанда концерттер өтеді

10 Қазан, 09:58
0
Құрманғазы оркестріне 85 жыл. Алматы мен Нұр-Сұлтанда концерттер өтеді -

Алматы қаласы мен Нұр-Сұлтан қаласында Құрманғазы оркестрінің 85 жылдық мерейтойына арналған салтанатты концерттер өтеді, - деп хабарлайды Тengrinews.kz тілшісі оркестр баспасөз қызметіне сілтеме жасап. 

"Өнер сүйер қауым үшін 2019 жылдың 15 қазан сағат 19.00 Алматы қаласындағы Республика сарайында және 30 қазан сағат 19.00 Нұр-Сұлтан қаласындағы "ҚАЗАҚСТАН" Орталық концерт залында Құрманғазы атындағы Қазақ мемлекеттік академиялық халық аспаптары оркестрінің 85 жылдық мерейтойына арналған салтанатты концерті өтетінін хабарлаймыз", - делінген хабарламада.

ҚР Тұңғыш Президенті - Елбасы Н.Назарбаевтың "Қазақтың інжу - маржаны" - деп атаған оркестрі бүгінде бүкіл әлемге халқымыздың музыкалық өнерін, бірегей музыкалық аспаптарын және Ұлы дала әуенінің пәк сұлулығын танытып келеді. Оркестрдің шет мемлекеттердегі Қазақстанның мәдениет күндерінде, әлемнің үздік залдарындағы жеке шығармашылық гастрольдерінде, сондай-ақ, Қазақстан Республикасы Президентінің қатысуымен мемлекеттік концерттерде лайықты деңгейде өнер көрсетіп келе жатыр. 

"Аталған кештерде әлемге әйгілі Құрманғазы оркестрімен КСРО халық артисі Б.Төлегенова, Қазақстанның халық артистері Н.Нүсіпжанов, М.Жүнісова, Н.Үсенбаева, Қазақстанның еңбек сіңірген қайраткерлері С.Байғожин, Т.Асар, А.Қосанова, Б.Мықтыбаев, С.Майғазиев және тағы да басқа майталмандары өнер көрсетеді. Баршаларыңызды Құрманғазы оркестрінің орындауындағы әсем сазды әуендер мен күйлерді тамашалауға шақырамыз!", - делінген хабарламада.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай