Бүгін шынымен де "ақ түйенің қарны жарылған" күн! Таңертеңнен телевизорға телміріп отырып боксшыларымыздың сайысын көрдік. Алты ұлымыз алтыннан алқа тағып, айды аспаннан бір-ақ шығарғаны керемет болды.
Бұл – шынымен де тарихи оқиға. Жекпе-жектердi көзбен көрдік. Буы бұрқыраған чемпиондардың көрерменмен бөліскен сұхбаттарына да куә болдық. Енді ентігімiздi басып отырып, Азиадада жүрген қалың спорт журналистерінен қызықты материал күтеміз . "Бәрін көк жәшіктен көріп тастадық, енді сізге не керек?" демексіздер ғой? Айтайын. Анау алпауыт елдердің спорт журналистері мұндайда бір- екі сағаттың ішінде сайттарын сараптамаға толтырып тастайды. Сіз бен бізді қызықтырған дүниенің бәрін табуға болады одан. Бізде ше? Елдегі бар қазақи сайттардың барлығын ерінбей қарап шықтым. Сол алтаудың аты- жөндерін тізіп қана шығыпты көпшілігі. Әлеуметтік желілерде де солай.
Материалдың толық нұсқасын "Алаш айнасынан" оқи аласыздар...