"Мемлекет іргесінің берік болуы — батыл да айбатты, ержүрек жауынгерлердің қолында". Тарихи өлкетану мұражайында өткен "Айбынды жастар – Жаңа Қазақстанның тірегі" атты әскери-патриоттық іс-шарасында ҚР Қарулы Күштері ардагерлер қоғамдық бірлестігінің төрағасы Серікбай Онбаев осылай деді. Ерлік сабағына "Жас сарбаздар" кадет мектебінен⠀60-қа жуық оқушы қатысты.
Шымкент қаласы қорғаныс істер жөніндегі департаменті мен білім басқармасының бастамасымен өткен жиында жастар ардагерлермен кездесіп, рухани әңгіме өрбітті. ⠀ ⠀
Болашақ Отан қорғаушылар – біздің жастар. Оларға жыл сайын ардагерлердің қатысуымен өтетін ерлік сабағын беруден жалыққан емеспіз. Білектің күшімен, найзаның ұшымен қалдырған ата-бабамыздың жерін қорғайтын осы азаматтар болғандықтан, оларға тәрбие беру үшін аянбай еңбек етеміз, - деді С. Онбаев.
Бүгінгі күн ел тарихын тануымен бастау алды, деп атап өтті жас сарбаз Н.Тәліп. – Тарихи өлкетану мұражайына жиналған жас сарбаздар елі мен жері үшін қанын төккен ата-бабаларымыздың тарихына қанық болдық.Осындай іс-шараны ұйымдастырған ұстаздарыма алғыс айтамын,- деді жас сарбаз.
Айта кетейік, жас сарбаздар Қарағанды облысы Спаск қаласында өткен сегізінші республикалық "Айбынды жастар" жарысында 40 команданың арасына оза шауып, бірінші орынды иеленген болатын.