Астанадағы айырбастау пункттері қалай жұмыс істеп жатыр

16 Шілде 2015, 00:17
3
Астанадағы айырбастау пункттері қалай жұмыс істеп жатыр - © Tengrinews.kz
© Tengrinews.kz

Астанада Tengrinews.kz тілшісі Республика даңғылы бойындағы айырбастау пункттеріндегі жағдаймен танысып қайтты.

Астана уақыты бойынша сағат 20:20. Республика даңғылындағы айырбастау пункттерінің көбісі жабық.

Валюта бағамы жазылған тақтайшалардағы жазулар сөніп қалған.

Кейбірі ертеңге дейін жұмыс істемейтіндерін жазып қойған. Дегенмен адамдар ашылып қалар деген үміттерін үзер емес. Олар "Ертеңге дейін шынымен ақша айырбастамай ма?" деген сұрақтар қойысып жатыр.

Енді біреуінде кезекте адамдар қаптап тұр. Себебі Республика даңғылы бойындағы басқа пунктерде доллар сатпайды немесе жабық. Адамдар бір-бірінен "сату, сатып алу бұрынғы диапазоннан асып кетпей ме?" деп сұрасып жатыр. "Ия" деген жауаптар да естілді. Кезекті көрген өткінші адамдар қызығушылық танытып та жатыр. Кейбірі кезегін күтіп тұр...

Мына пунктте доллардың теңгеге шаққандағы бағамы - 185,70 теңге және бір доллар 187,70 теңге (сату).

Айта кетейік, 15 шілдеде доллар бағамының өзгеру дәлізі 170-188-ден 170-198 теңгеге дейін өсті. Сонымен қатар, Ұлттық банк төрағасы Қайрат Келімбетов валюталық жаңа дәлізге өтуден кейін теңгенің долларға шаққандағы бағамы алдағы айларда бұрынғы диапазонда болатынын айтты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (3)
Оқылып жатыр
Талқыланып жатыр
Бүгін
Апта
Ай