10 наурыз 2016 10:20

Forbes миллиардерлер көп тұратын қалаларды анықтады

ПОДЕЛИТЬСЯ

© REUTERS © REUTERS

Forbes миллиардерлер көп тұратын қалалардың рейтингін жасады. Тізімде алғашқы орынды Нью-Йорк алды.


Forbes миллиардерлер көп тұратын қалалардың рейтингін жасады. Тізімде алғашқы орынды Нью-Йорк алды.

Басылымның мәліметінше, АҚШ-тың ірі қаласында қаражаты 364 миллиард доллар болатын 79 миллиардер тұрады екен. Нью-Йорктегі ең бай азамат қаланың бұрынғы мэрі Майкл Блумберг болып отыр. Оның 40 миллиард доллар қаражаты бар. Тізімде екінші орынды Гонконг алды. Мұнда жалпы жағдайы 261 миллиард доллар болатын 68 миллиардер тұрады. Қаладағы ең бай азамат - Ли Ка-Шинг. Ол Азиядағы ең ықпалды кәсіпкерлердің бірі. Ли Ка-Шингтің байлығы 27,1 миллиард долларға бағаланды.

Үштікті Мәскеу қаласы қорытындылады. Forbes мәліметінше, Ресей астанасында 60 миллиардер тұрады. Олардың қаражаты 217 миллиард долларға тең. Рейтингте төртінші орынды Бейжің қаласы (жалпы байлығы 149,9 миллиард долларға бағаланған 51 миллиардер) алса, бесінші орында Лондон (байлығы 187,7 миллиард долларды құрайтын 48 адам) тұр.

Айта кетейік, тізімге 25 қала кірді. Үздік ондықта Мумбаи (32 миллиардер), Шанхай (31), Сеул (30), Шэньчжэнь (30), Сан-Франциско (28) бар. Рейтингті әрқайсысында 13 миллиардер тұратын Пало-Альто, Женева және Чикаго қалалары қорытындылады.

Читайте также
Join Telegram

Валюта бағамы

 447.35   490.7   4.75 

 

Ауа райы

 

Редакция Жарнама
Социальные сети