1. Басты
  2. Біл
  3. Экономика
  4. Қаржы-қаражат

Салымшылар зейнетақы жинағын қолма-қол алмайды - Еңбек министрлігі09 қыркүйек 2020, 11:14

Еңбек және халықты әлеуметтік қорғау министрлігінің өкілі Виктория Шегай Tengri TV тікелей эфирінде тұрғын үй сатып алу үшін зейнетақы жинағы қалай берілетінін айтты, - деп хабарлайды Tengrinews.kz тілшісі.

Виктория Шегайдың айтуынша, зейнетақы жинағындағы ақша қолма-қол берілмейді.

"Қаражаттың сол мақсат бойынша жұмсалуын қамтамасыз ететін бірыңғай операторлар болады. Яғни, зейнетақы жинағын қолға алғысы келетін салымшылар ала ма деп айтатын болсақ - жоқ. Оператор тұрғын үй жағдайын жақсарту үшін "Отбасы банк" мәселесін қарастыруды ұсынады, бұл Қазақстанның бүгінгі Тұрғын үй құрылыс жинақ банкі, яғни ол арқылы осы ақша мақсатты түрде жұмсалады", - деді Шегай.

Зейнетақы қорындағы жеке шотты қалай тексеруге болады?

Еске салайық, 1 қыркүйекте Президент Қасым-Жомарт Тоқаев Қазақстан халқына жыл сайынғы жолдауында тұрғындарға зейнетақысының бір бөлігін алуға рұқсат етуді тапсырды. 2021 жылдан бастап белгілі санаттағы азаматтар БЖЗҚ-дағы жинақтардың бір бөлігін мақсатты пайдалану үшін алу құқығын іске асыра алады. 

Қазақстан жаңалықтары. Соңғы жаңалықтар. Telegram желісінде бізге жазыл! 


Елордада IT-кеңес құрылды