+7 (777) 001 44 99
ПОДЕЛИТЬСЯ
Азамат Мұхамедчинов Шығыс Қазақстан облысы әкімінің орынбасары болып тағайындалды, - деп хабарлайды Tengrinews.kz тілшісі ШҚО әкімдігінің баспасөз қызметіне сілтеме жасап.
Азамат Мұхамедчинов Шығыс Қазақстан облысы әкімінің орынбасары болып тағайындалды, - деп хабарлайды Tengrinews.kz тілшісі ШҚО әкімдігінің баспасөз қызметіне сілтеме жасап.
"Шығыс Қазақстан облысының әкімі Даниал Ахметов Азамат Мұхамедчиновты таныстыра отырып, оның кәсіби тәжірибесін атап өтіп, жұмысына табыс тіледі", - делінген хабарламада.
Азамат Мұхамедчинов 1978 жылы 23 ақпанда Шығыс Қазақстан облысы Ұлан ауданы Асу-Бұлақ ауылында дүниеге келген. 2007 жылы Шығыс Қазақстан мемлекеттік университетін, 2013 жылы "экономика және бизнес" мамандығы бойынша Шығыс Қазақстан өңірлік университетін тәмамдаған.
Еңбек жолын 1998 жылы орта мектеп мұғалімі болып бастаған. 2001 жылдан 2008 жылға дейін Риддер қаласындағы "Шаңырақ" көпсалалы мектеп-гимназиясында оқытушы болып жұмыс істеді. 2008 жылдан 2012 жылға дейін "Мәдениет сарайы" директоры, Риддер қаласының Мәдениет және тілдерді дамыту бөлімінің бастығы болды. 2012 жылдың сәуірінен бастап Өскемен қаласының Мәдениет және тілдерді дамыту бөлімін басқарған.
2016-2019 жылдары Шығыс Қазақстан облысының мәдениет, архивтер және құжаттама басқармасының басшысы болды. 2019-2020 жылдары Азамат Мұхамедчинов Шығыс Қазақстан облысы әкімі аппаратының басшысы болды. 2020 жылғы желтоқсаннан бастап қазіргі уақытқа дейін ШҚО ішкі саясат басқармасының басшысы болып жұмыс істеген.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
