Президент Қасым-Жомарт Тоқаев Қазақстанның ауыл шаруашылығы министрін тағайындады, - деп хабарлайды Tengrinews.kz тілшісі.
"Ербол Шырақпайұлы Қарашөкеев Қазақстан Республикасының ауыл шаруашылығы министрі лауазымына тағайындалсын", - делінген Ақорда сайтында.
Ербол Қарашөкеев "ҚазАгро" холдингінің басқарма төрағасы болып, сондай-ақ Президент Әкімшілігінде, Қаржы және ауыл шаруашылығы министрліктерінде әртүрлі қызметте жұмыс істеген.
Еске салайық, 2021 жылы 10 шілдеде үкіметтің кеңейтілген отырысында Президент Қасым-Жомарт Тоқаев ауыл шаруашылығы министрі Сапархан Омаровтың отставкаға кетуі керек екенін айтқан болатын.
Кейін ауыл шаруашылығы министрі Сапархан Омаров лауазымынан босатылды.
Ербол Қарашөкеев сол күні вице-министр - ауыл шаруашылығы министрінің міндетін атқарушы болып тағайындалған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
