Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 340.11
EUR / KZT - 407.93
CNY / KZT - 51.61
RUB / KZT - 5.91

Ескерткішті қорлап суретке түскені үшін ақтөбелік жігіттің үстінен шағым түсті

08 Сәуір 2015, 13:17
0
@Vk.com
@Vk.com

"Электрондық үкімет" порталына Ақтөбе қаласының тұрғыны Динара Букенбаевадан ескерткішті қорлап түсірілген сурет жайлы шағым келіп түскен, - деп хабарлайды Tengrinews.kz тілшісі. Оқырман ескерткіші 2006 жылы тілшілердің еңбегін бағалау мақсатында газет редакциясына қарама-қарсы орыннан ашылған екен. Ескерткіштегі адам мүсінінің қолында кітап бар. Бұзақы сол кітапқа отырып суретке түскен.

Ескерткішті қорлаған суретті Динара әлеуметтік желілердің бірінен көріп қалады. "Бұл менің наразылығымды тудырды. Ол ескерткішке мініп қана қоймай, суретке түскен. Менің білуімше, бұл әрекет заңға қайшы. Бүгін осылай ескерткіштің үстіне шығып алса, ертең ескерткішке не істейтінін ешкім білмейді. Келесіде Мәңгілік алауды бүлдіреді, батырлардың ескерткіштеріне де мінеді. Мен суреттегі жігіттің ісіне шара қолданылуын сұрап "Электрондық үкімет" порталы арқылы арыз бердім", - деді ол.

"Оған осы жасаған әрекеті үшін айыппұл салу керек немесе қоғамдық жұмыстарға тартылсын. Бұл оған сабақ болады", - деді арызданушы.

Еске салайық, осыған дейін Ақтауда  вандалдар ескерткішке фашистік таңба салып кеткенін хабарланған болатын. Айта кетейік, ҚР Қылмыстық кодексіне сәйкес, вандализм үшін 100-500 айлық есептік көрсеткіш көлемінде айыппұл төлеу, 120-180 сағатқа дейінгі қоғамдық жұмыстар немесе 1 жылға дейін бас бостандығынан айыру сияқты жаза қолданылады.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай