Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Чурюмов-Герасименко кометасының алғашқы түрлі-түсті суреті жасалды

13 Желтоқсан 2014, 10:01
0
Чурюмова-Герасименко кометасы. Суретті ұсынған - ЕҒА.
Чурюмова-Герасименко кометасы. Суретті ұсынған - ЕҒА.

Еуропалық ғарыш агенттігінің (ЕҒА) ғалымдары Чурюмов-Герасименко кометасының алғашқы түрлі-түсті суретін өңдеп шығарды делінген ЕҒА таратқан хабарламада.

Алдын ала болжанғандай, құйрықты жұлдыз, шынымен де бетінде біраз түс араласқанымен, бүтіндей сұр боп шықты. Бұл суретті өңдеу үшін ғалымдар қызыл, жасыл және көгілдір фильтр арқылы түсірілген бейнелерді бір-бірінің үстіне қойып, өңдеп шықты. Комета айналып тұратындықтан оны жан-жағынан суретке түсірген, сондықтан ғалымдар оны бір-бірімен сәйкестендіруі үшін біршама тер төккен. Түрлі-түсті суреттің кешігіп пайда болғанын осымен де түсіндіруге болады. 

"67P/CG қою сұр болғанымен, нақтысында ол көмірдей қап-қара" дейді Макс Планк атындағы Күн жүйесін зерттеу институтының ғалымы Хольгер Сиркс.

Қара мен ақ түс арасындағы барлық диапазонды қамту үшін суреттің реңін барынша күшейттік, сөйтіп кометаның беткі жағындағылардың барлығы көрінетіндей еттік. Алайда бұдан жұлдызды құйрықтың түсі еш өзгермеді, сұр боп қала берді.

Сондай-ақ басқа толқындарға қарағанда кометада қызыл түсті беретіні ұзындау боп шықты. Бұл Күн жүйесіндегі көптеген ұсақ денелерде де болатын белгілі құбылыс. Бірақ бұл комета адам көзіне қызыл боп көрінеді дегенді білдірмейді.

Түстерге сүйенсек, комета бетін қара шаң басқан. Ол 25 фильтр арқылы әлі де зерттелетін болады. Ғалымдар бұл шаңның құрамын тексеріп, оны жер бетіндегі құрамында суы бар минералдарға, пироксен сынды жер қыртысындағы түрлі минералдарға араластырып сынап көрмекші. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай