Жетісайлық екі түлек ҰБТ-дан 139 балл жинады

02 Шілде, 10:46
0
Жетісайлық екі түлек ҰБТ-дан 139 балл жинады -

Түркістан облысы, Жетісай ауданында 2019 жылғы маусым айында өткізілген ҰБТ-ның қорытындысы бойынша 22 -26 маусым күндері аралығында үш  легте өкізілен тестілеуге 1701 түлек қатысқан болатын. Шәкіттердің ҰБТ-ға қатысу пайызы 67,7 пайыз болды, орташа балл - 79,7 пайызға жетті. 490 түлек 100-ден жоғары балл жинаса, ең жоғары балл 139 болды, - деп хабарлайды Тengrinews.kz тілшісі Жетісай ауданы әкімінің баспасөз қызметіне сілтеме жасап. 

Нақтырақ айтсақ, №6 Б. Момышұлы атындағы мектеп гимназиясының 2 түлегі Гүлжайна Бейсенбай мен Әсел Жүнісбекова ең жоғарғы 139 балл жинады. Бұдан бөлек, 151 шәкірт 120-дан жоғары,  339 оқушы 100-119 аралығында, 736 түлек 60 пен 99 аралығында балл жинаған. Нәтижесінде оқушылардың ҰБТ-ға қатысу көрсеткіші 65,07 пайызды құрап, өткен жылға қарағанда 2,87 пайызға өскен.

Айта кетейік, жалпы биыл Жетісай ауданындағы 70 мектепті 2626  түлек бітірді. Олардың 1709-ы ҰБТ тапсыруға өтініш білдірсе, 1701 талапкер қатысты. Ал 8 оқушы ҰБТ-ға қатысудан өз еркімен бас тартқан.

ҚР Білім және ғылым министрінің 2017 жылғы 2 мамырдағы  №204 бұйрығымен бекітілген Ұлттық бірыңғай тестілеуді өткізу қағидасына  сәйкес Ұлттық бірыңғай тестілеу қаңтар, наурыз, маусым және тамыз айларында өткізілді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай