РҒА медико-биологиялық институты ғалымдары сәрсенбіге қараған түні, 19 шілдеде екі айлық ғарыш сапарына аттанатын ресейлік "Фотон-М" №4 ғылыми ғарыш аппаратына бес гекконды, шыбындарды, өсімдік ұрықтарын және көптеген микроағзаны орналастырды, - деп хабарлайды "Интерфакс-Казахстан".
"Ғылыми аппаратты орнату және тексеру штаттық режимде жүзеге асырылуда", - деп хабарлайды РҒА медициналық-биологиялық мәселелер институтының баспасөз қызметі.
"Фотон-М" аппаратының орбиталық ұшу кезінде оның бортында 20-ға тарта сынақ жасалған.
"Фотон-М" №4 ғарыш кемесі микрогравитация жағдайында физика іліміндегі салмақсыздықтың жаңа өлшемін алуды қамтамасыз ететін, жартылай өткізгіш материалдарын өндірудің технологиялық процесстерін өңдеу, биомедициналық препараттардың мінездемесін жақсарту, сондай-ақ биологиялық және биотехнологиялық зерттеулер жүргізуге арналған.
Спутниктің массасы 6840 килограмм, ал ғылыми аппаратураның массасы 850 келіге дейін (жерге қонушы аппараттың ішінде - 600 келіге дейін және сыртында - 250 келіге дейін). Орбитада болатын белсенділік мерзімі - 60 тәулік.
"Фотон-М" №4 аппаратының орташа орбиталық биіктігі - 575 шақырым. Бұл орташа орбиталық биіктігі 400 шақырым болатын Халықаралық ғарыш стансасынан жоғары.
Бұған дейін бортында жануарлар болған ғылыми аппарат "Фотон-М" №3 ғарышқа алты жыл бұрын ұшқан болатын. Ол 207 жылдың 14-қыркүйегінде орбитаға шығарылып, 12 тәуліктен соң жерге оралған еді.