1. Басты
  2. Біл
  3. Техно
  4. Ғылым-Бiлiм

Коронавирус маусымдық ауруға айналады - қытайлық ғалымдар

© Tengrinews.kz © Tengrinews.kz

Қытай медицина ғылымдары академиясы патегондер биологиясы институтының ғалымдары коронавирустың көзі жойылмайтынын, ол маусымдық тұмау секілді жыл сайын пайда болатынын мәлімдеді, - деп хабарлайды New York Post.

Ғалымдардың зерттеуінше, COVID-19 оның туысы, 17 жыл бұрынғы SARS секілді түбегейлі жоғалып кетпейді. SARS жұқтырғандар ауруды ауыр өткізген екен. Оның белгілері де айқын болған. Карантин режимі енгізілгеннен кейін оның тарауы бәсеңдеген. 

Алайда COVID-19 көп жағдайда еш белгісіз өтеді және вирус та білдіртпей тарайды. Сондықтан коронавирустың тарауын толығымен тоқтату мүмкін емес. Қытайдың өзінде күн сайын еш белгісі байқалмаған ондаған науқас анықталатын көрінеді.

"Бәлкім бұл адамзатпен ұзақ уақыт бірге өмір сүретін, маусымдық ауруға айналатын эпидемия секілді қалады", - дейді қытайлық ғалым Цзинь Ци.

Айта кетейік, дүние жүзі бойынша коронавирус инфекциясын жұқтырғандардың саны 3,2 миллионнан асты. 1 миллионнан аса адам жазылып шықты. Коронавирус 228 223 адамның өмірін қиды. 

Қазақстан жаңалықтары. Соңғы жаңалықтар. Telegram желісінде бізге жазыл! 

Доллар арзандады