Президент Қасым-Жомарт Тоқаев ұлттық университеттердің ректорларын тағайындау процедурасының ауысатыны туралы айтты, - деп хабарлайды Tengrinews.kz тілшісі.
"ҚР Білім және ғылым министрі Асхат Аймағамбетовке ұлттық университеттердің ректорларын конкурстық негізде Үкіметтің қаулысымен тағайындау жөнінде нормативтік құжаттар әзірлеуді тапсырдым. Қазіргі ректорларды президенттің жарлығымен тағайындау процедурасы күшін жояды", - деп жазды Тоқаев Twitter желісіндегі парақшасында.
ҚР Білім және ғылым министрі А.Аймағамбетовке ұлттық университеттердің ректорларын конкурстық негізде Үкіметтің қаулысымен тағайындау жөнінде нормативтік құжаттар әзірлеуді тапсырдым. Қазіргі ректорларды президенттің жарлығымен тағайындау процедурасы күшін жояды.
— Qasym-Jomart Toqayev (@TokayevKZ) July 17, 2019
