Гамалея эпидемиология және микробиология ұлттық зерттеу орталығы коронавируспен ауыратын науқастарды емдеуге арналған антиденесі бар дәрі дайындап жатыр, - деп хабарлайды Tengrinews.kz тілшісі РИА Новости сайтына сілтеме жасап.
"Міне, коронавируспен ауыратын науқастарға дәрі ретінде беруге болатын антиденелер, қазір дамытып жатырмыз", - деді Гинцбург басылымға.
Сонымен қатар, жақында препаратты сынақтан өткізу басталатынын атап өтті.
"Келесі жылдың қаңтарында клиникалық сынақтарға кірісеміз, үш-төрт ай ішінде клиникалық сынақтардан өтеміз деп үміттенемін", - деп түйіндеді сұхбаттасушы.
Бұған дейін РҒА цитология институты мен Санкт-Петербургтегі Пастер эпидемиология және микробиология ғылыми-зерттеу институтының ғалымдары қара бұрыш құрамындағы пиперин COVID-19 таралуын тежеуге қабілетті екенін анықтады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
