Реклама +7(700) 388 81 09
  1. Басты
  2. Біл
  3. Өмір
  4. Шоу-бизнес

"Ақшамды сыпырып алып кетті". Қайрат Нұртастың інісі Түркияда болған оқиға туралы айтып берді 21 сәуір 2022, 09:45

Белгілі әнші Қайрат Нұртастың інісі әрі өзі AlZaBi тобының құрамында өнер көрсетіп жүрген Заңғар Нұртас Instagram-парақшасында Түркияда қалай
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Сурет zangaar Instagram-парақшасынан Сурет zangaar Instagram-парақшасынан

Белгілі әнші Қайрат Нұртастың інісі әрі өзі AlZaBi тобының құрамында өнер көрсетіп жүрген Заңғар Нұртас Instagram-парақшасында Түркияда қалай қомақты ақшасынан айырылып қалғанын айтып берді, - деп хабарлайды Tengrinews.kz тілшісі.

Заңғар "бал айына неге анаңызбен бірге бардыңыздар" деп сұраған оқырмандарына жауап беріп, анасы жаңа іс бастағалы жүргенін айтты.

"Бұл бал айы болған жоқ. Жақсы жаңалығымыз бар. Анам мен Жібек бірге бір керемет жұмыс бастағалы жатыр. Сол жұмыс сапарымен барып қайттық", - деді ол.

Ол оқиға қалай болғанын әңгімелеп берді.

"Бұл әңгімеге күлкің де келеді, жылағың да келеді. Бірақ бәле-жала, тіл-көз осымен кетсін деп жатырмыз. Ыстамбұл қаласында Outlet center-де сағат қарап жатқан кезде бір алаяқтар келіп, әйелі мен күйеуі алдап, сиқыршы дей ме, ондайға бұрын сенбейтін едім, көзімді байлап, алдап, ақшамды сыпырып алып кетті. Көз алдымда басқа нәрсе болып жатты, камерада басқа нәрсе болыпты. Қалай ақшаны қолына бергенімді білмей қалдым", - деді әнші.

Сурет zangaar Instagram-парақшасынан

Әнші долларын көрсетем деп, алданғанын жеткізді.

"Ол кісі менімен 15 минут танысып, жақын арада Қазақстанға баратынын айтып, өзінің долларындағы печатьті көрсетіп, "Қазақстанға мені бұл ақшамен өткізе ме, сенің ақшаңда осындай печать бар ма" деп сұрап алды", - деді ол.

Ол алаяқтардың әрекетін кейін түсінген екен.

"Мына жерде ақшаның ортасына бір саусағын қойып, екіге бөліп, үстіңгі ақшаны резинкаға орап, оң қолымен менің назарымды жоғарыға аударып, сол қолымен астыңғы бөліктегі ақшаны қалтасына салып жіберді", - деді Заңғар Нұртас.

Сондай-ақ, ол оқырмандарына алданып қалмауға кеңес берді.

"Көп адамның басынан өтіпті бұл жағдай. Білмейтіндеріңіз біліп жүріңіздер, мен сияқты алданып қалмаңыздар", - деп түйіндеді әнші.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram