12 мамыр 2015 | 18:17

Әнші Карина Абдуллина тұңғыш рет ана атанды

Карина Абдуллина. © Әншінің жеке мұрағатынан

ҚР Еңбек сіңірген қайраткері, қазақстандық белгілі әнші әрі тележүргізуші Карина Абдуллина ана атанды, - деп хабарлайды Tengrinews.kz тілшісі. Бұл туралы композитор әрі "Мюзикола" тобының әрлеушісі Болат Сыздықов хабарлады.

ҚР Еңбек сіңірген қайраткері, қазақстандық белгілі әнші әрі тележүргізуші Карина Абдуллина ана атанды, - деп хабарлайды Tengrinews.kz тілшісі. Бұл туралы композитор әрі "Мюзикола" тобының әрлеушісі Болат Сыздықов хабарлады.

Анасы мен баласының жағдайы жақсы. Ұл балаға Альберт деген есім берілді. Карина Абдуллина мен оның жолдасы ұлдарына Альберт деген есімді Монако ханзадасы Альбертпен танысқаннан кейін беруді ұйғарыпты. Олардың кездесуі Монте-Карлода, "Мюзикола" тобы қазақстандық боксшы Геннадий Головкин мен ұлыбританиялық Мартин Мюррейдің жекпе-жегі алдында Қазақстанның гимнін орындаған кезде болыпты.

"Баланың туылуы мен үшін өте жауапты әрі әбден ойланып барған қадам. Эстрадада сәтті мансапқа жетіп, екі аяғымнан тік тұрған бүгінгі таңда өзімді аналық сезіміне толықтай арнай аламын", - деді Карина Абдуллина.

Орындаушы шығармашылықпен қоштасайын деп жатқан жоқ. 39 жастағы Карина Абдуллина сахнаға жазда оралады. Оның жақындағы өнер көрсетуі 24 шілдеде Қазақ хандығының 550 жылдығын тойлау шеңберінде болады. Әнші халықаралық байқаулардың лауреаттары, атақты гимнасттар Әлия мен Андрей Канахиндермен бірге жаңа номерді паш етеді.

Қазақстан шоу-бизнесі Балалар