Гүлзира Айдарбекова жаңа келінін таныстырды

Жансая Қадыржанова Корреспондент

3374

gulziraaidarbekova Instagram парақшасынан алынған сурет

Танымал продюсер Гүлзира Айдарбекова кенже ұлын үйлендіргелі жатыр. Ол бұл туралы Instagram-парақшасында жариялады, - деп хабарлайды Tengrinews.kz тілшісі.

Танымал продюсер Гүлзира Айдарбекова кенже ұлын үйлендіргелі жатыр. Ол бұл туралы Instagram-парақшасында жариялады, - деп хабарлайды Tengrinews.kz тілшісі.

Жалғасы

■

Қайрат Нұртастың інісі қалыңдығын ұзатып әкелді

17 наурыз 2022, 09:54

Продюсер қыздың қолын сұрап барғанда орындалатын барлық салт-дәстүр сақталғанын айтып, жаңа келінімен, құда-құдағиларымен бірге түскен суреттерін жариялады.

"Құрметті оқырмандарым, ең кіші ұлымыз @alzabi_live тобындағы Заңғар баламыз Жібек екеуі бір-бірін қалап, сырға салу, есік ашу, құда түсу, ата-баба салтымен барлық рәсімі жасалып, 2-3 күннен бері тынбай жатырмыз. Алла жамандықтан емес, жақсылықтан шаршатқаннан артық бақыт жоқ шығар. Ең бастысы, келініміз адалынан болсын! Сіздер де жастарға бақыт тілеп қойсаңыздар нұр үстіне нұр!" - деп жазды ол желіде.

gulziraaidarbekova Instagram парақшасынан алынған суреттер

Сүйінші сұраған продюсердің жазбасына оқырмандары түрлі тілек-пікірлерін жазған:

Құтты болсын, Гүлекееее!

Қызыңыздай болсын! Судай сіңіп, тастай батсын.

Жастар бақытты болсын! Алланың нұры жаусын, көбейіп өсіп-өнсін.

Құтты болсын! Келініңіз сұлу екен, жүзіктің көзінен өткендей, көз тимесін! Бізге де жұғысты болсын. Алла тек жақсылығын берсін, бақытты болсын!

Жастар бақытты болсын, бақытты болам демей, осы əулетті бақытты қылам деп келсін, жас келін.

Қазақ еліне +бір отбасы. Бақытты болсын.

Кейінгі кезде әнші ретінде танылған Заңғардың өзі де желіге сүйіктісіне ұсыныс жасаған кездің, сырға салу, құдалық секілді маңызды сәттердің видео-суреттерін жүктеді.