Қазақстандық продюсер, актер Нұрлан Қоянбаев Канн кинофестивалінде жүр, - деп хабарлайды Tengrinews.kz тілшісі.
Әлем кино өнерінің жетістіктеріне баға беретін бұл фестиваль биыл 75 жылдық мерейтойын атап өтіп жатыр.
"Канн кинофестивалінің бүгін қызыл кілемінен ресми өту рәсімі бұйырды", - деп жазды Қоянбаев Instagram-да.
Ол биыл комедиялық киномен ашылған танымал фестивальдің осы жанрға аса мән беріп жатқаны байқалатынын айтты.
"Еліміздің талай кино туындылары осы ортада топ жаратынына сенімдімін!", - деді продюсер.
Посмотреть эту публикацию в Instagram
Нұрлан Қоянбаев фестивальдегі атмосфераны Stories-тен көрсетіп жүр. Әлемге танымал жұлдыздардың арасында жүрген ол былтыр хит болған "Игра в Кальмара" сериалының актерлерімен суретке түсті.
"Игра в Кальмара" кім көрді? Ұнады ма? деп сұрап жатыр", - деп жазған ол.
Посмотреть эту публикацию в Instagram
Айта кетейік, кинофестиваль Францияның Канн қаласында 17-28 мамыр аралығында өтеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
