Ринат Зайытовтың әкесі: Анасы алдырып тастағысы келген, бірақ мен қарсы болдым

11 Шілде, 13:06
0
Ринат Зайытовтың әкесі: Анасы алдырып тастағысы келген, бірақ мен қарсы болдым -

Танымал айтыскер Ринат Зайытовтың әкесі Рифхат Зайытов KYN.KZ сайтына берген сұхбатында баласының өміріне қатысты бүгінге дейін құпия болып келген мәліметтерді жария етті. 

Әкесінің айтуынша, Ринат дүниеге келетін кезде анасы оны алдырып тастағысы келген. 

"Ринат дүниеге келетін кезде де қызық болды. Ол отбасындағы төртінші перзент. Анасы үш баладан қиналған болар, осыған келгенде дүниеге әкелгісі келмеді. Содан мен қарсылық танытып, бала 1983 жылы дүние есігін ашты. Ол кезде қиыншылық кезең басталған сәт. Бірақ баланы періштесі қағады дейді ғой, кез-келген қиындықтан Ринат әйтеуір жолы болйып шығып кететін", - деді ақының әкесі.

Сондай-ақ, ол Ринат Зайытовтың анасымен ажырасқанын да жария етті. 

"Мектеп оқып жүрген кезде анасымен ажырастық. Ешқандай ұрыс болған емес. Осылай дастархан басында сөйлесіп, келісімге келіп бір костюммен үйден шығып кеттім. Ринаттың алдындағы үш балам қарсы болды ажырасуымызға, реніштерін айтып жатты. Ринат бір ауыз қатты сөз айтқан емес бетіме. Содан олар Семейге көшіп кетті. Сол жақта оның алдынан басқа адамдар жолықты. Сері, ақын кісілер оған жол көрсете бастады. Мен айтам оған "Өзіммен қалғанда мен он бір бітіртер едім, мүмкін басқа салада адастырар едім" әр заттың қайыры бар, отбасындағы қиындық Ринатты тәрбиеледі деп ойлаймын. Содан ол бала күнінен аймақтағы елдің аузына іліне бастады. Өзім жолдастар арасында әзіл, шарж жазып тұрамын. Оны Ринат жаттап алып елге оқитын. Содан жолдастар кейде ренжіп жататын. Елге жайылады ғой енді. Ринаттың есте сақтау қабілеті мықты болатын", - дейді әкесі.

Әкесі алдыңғы екі ұлын ұрып тәрбиелегенімен Ринатқа ұрыспапты.

"Алдыңғы екі ұлды ұрып-соғып өсірдім, қатал болдым. Ринатты ұрмақ тұрмақ, ұрысқан емеспін. Оған ақындық, серілік аталарынан келген. Өзімнің бабаларым кезінде танымал ақын болған. Рианатты саясиланып кеткен дейтіндер бар. Мен мектепте оқу ісі бойынша меңгерушімін. Ұлыма "Кейде директордың ісі дұрыс болмайды. Бірақ, мен оған оны бетіне айта алмаймын" дейтінмін. Керек кезде шегініс жасап, бір саты төмен түсуге болатынын айтқанмын. Енді бала өзі шешім шығарады не сөйлесе де. Мен өз парызымды жасадым. Бірақ, кейде Ринатпен сөйлесіп отырсаң арасында патшаны мақтан тұтады. Халық өзі Ринаттан билікке қарсы адам жасап алған сияқты. Ринат негізі билікке емес, биліктің қателігіне қарсы адам. Ол қателікті Назарбаев емес, айналасындағылар жасап жүр. Сын айтпай, мін түзелуші ме еді? Ол дұрыс айтқаны", - деді сұхбатында ақынның әкесі Рифхат Зайытов.

Айта кетейік, айтыскер ақын Ринат Зайытов 1983 жылы 17 қарашада Шығыс Қазақстан облысы Аягөзде дүниеге келген. Отбасында төрт ағайынды. 17 жасынан бастап айтысқа қатысып, талай жүлделі болған.

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай