Ақтөбеде Ауғанстанда болған итке ескерткіш тұрғызылды

13 Қазан 2014, 16:54
0
Ақтөбеде Ауғанстанда болған итке ескерткіш тұрғызылды - ©Тengrinews.kz
©Тengrinews.kz
Ақтөбеде Ауғанстанда болған итке ескерткіш тұрғызылды - ©Тengrinews.kz
©Тengrinews.kz

Ақтөбеде Ауғанстанда қызмет еткен итке ескерткіш қойылды, - деп хабарлайды Tengrinews.kz тілшісі. "Беда" есімді төртаяқтыға ескерткіш қоюға жауынгер-интернационалистер мұрындық болды.

Жергілікті мүсіншінің туындысы Ауғанстандағы әскери операцияларға қожайынымен бірге қатысқан Беда есімді иттен аумай қалған, оның биіктігі - үш метр. Ит операциялар барысында мина іздеді, бірнеше рет сарбаздардың өмірін құтқарып қалды.

Иттің иесі Мейірғали Қалдығұлов ол туралы мақтанышпен әңгімелейді. Ауған ардагері Беданы күшік кезінен баққан. "Беда деп атаған себебім - оның сарбаздардың сөмкесінен тамақ ұрлайтыны бар еді", - дейді Қалдығұлов.

Кейін Беда иесіне адал екенін байқатты. Жараланып қалған қожайыны госпитальде екі ай жатқан кезде ол нәр татпады, қақпа алдында Мейірғалиді күтумен болды. Жоғарғы басшылық бұл екеуін ешқашан ажыратпауды ұйғарды, ит пен оның иесі соғыстан бірге оралды. Қазір Мейірғали ит тұқымдарын өсірумен айналысады, олардың арасында Беданың тұқымдары да бар. 

Итке арналған ескерткіш Ақтөбеден 15 шақырым жердегі Қызылжар поселкесінде. Бұл елді мекенде иттерге арналған тәлімбақ бар, келешекте мұнда иесіз иттерге арналған орталық ашылмақ. Облыстық жауынгер-интернационалистер қоғамының жетекшісі Аслан Нұрқасыновтың айтуынша, мұндай ескерткіш елімізде тұңғыш рет бой көтеріп отыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай