Алматыда қаланың 1000 жылдығына орай салтанатты отшашулардың шоуы өтті, - деп хабарлайды Tengrinews.kz тілшісі. Желіде Алматының кейбір аумақтарында түсірілген видеолар пайда болды.
Айта кетейік, сағат 21.00-де қаланың үш аумағында: Көктөбе саябағында, "Астана" алаңында және "Алматы Арена" мұз сарайында отшашу атылды.
Сондай-ақ, мереке күні Мемлекет басшысы "Алматы Арена" мұз сарайындағы "Алматының 25 шыңы" салтанатты шарасына қатысты. Елбасы Алматының ХХ ғасырдағы оқиғалар тізбегінде айрықша рөлге ие екеніне назар аударды. Мерекелік шоу Apple Fire отшашуларымен аяқталды.
