Челябинск көшелерінде ерекше нөмірі бар шымкенттік көлік жүрген. Көліктің суретін Челябинск тұрғыны Андрей Середа Facebook желісіндегі парақшасына жүктеді, - деп хабарлайды Tengrinews.kz тілшісі.
"Челябинск көшелерінде барлығын көруге болады, бірақ мұндайды кездестіреміз деп ойламаппын да", - деп жазды Андрей Середа.
Ең қызығы, көліктің мемлекеттік нөмірі "666" болғанымен қоса, оның әріптері "зло" деп оқылады. Айта кетейік, желі қолданушылары жарияланған бұл суретке түрлі пікірлер қалдырды. Қолданушылардың көбісі: "Шымкент вездесущий!", "Шымкент рулит!" және "13-е… Олар барлық жерде!" деп жазып жатыр. Алайда сурет авторына "бұл фотошоп" деп пікір қалдырғандар да табылды.
