Елбасыға арнап өлең оқыған қыз көрермендерді тебірентті

08 Қараша 2016, 18:01
0
Елбасыға арнап өлең оқыған қыз көрермендерді тебірентті - © instagram.com/elmirarenat
© instagram.com/elmirarenat

Елбасыға арнап өлең оқыған қыз көрермендерді тебірентті, - деп хабарлайды Tengrinews.kz тілшісі. Видеоны редакцияға қыздың анасы жолдады. Оның айтуынша, оқиға 3 қарашада Бейбітшілік пен келісім сарайында болған. 

Қыздың аты-жөні Рахимова Дильназ. Ол Астанадағы №24 мектептің оқушысы екен. "WORLD BEAUTI 2016" халықаралық сұлулық байқауы Тәуелсіздіктің 25 жылдығына арналған. Видеода 8 жастағы Дильназ өлеңнің бірінші шумағынан бастап жылап қалады. Бірақ қайсарлық танытып, өлеңін соңына дейін оқып береді. Бір сәтте оның қолындағы дыбыс зорайтқыш құрал істен шығады, бірақ көрермендер қошемет көрсетіп, қызға қолдау білдіреді.

Қыздың анасы Эльмираның айтуынша, осы байқауда қызы Дильназ LITTLE MISS INTERNAT 2016 атаныпты. "Қызым осы конкурста жеңімпаз атанды. Өлеңін оқып тұрғанда аппарат дұрыс істемеді, бірақ қызым еш саспай, өлеңін соңына дейін жалғастырды. Менің өзім денем түршігіп, қатты әсер алдым", - деді қыздың анасы Эльмира.

Айта кетейік, конкурсқа қазылық еткендердің арасында ресейлік кинорежиссер Борис Грачевский болған.  


© Instagram/elmirarenat


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай