Реклама +7(700) 388 81 09
  1. Басты
  2. Біл
  3. Өмір
  4. Бір үзік

"Қазаққа жат нәрсе". Айнұр Жүгінісова тойында торт алып шықпай, орнына ерекше дәстүр жасады 19 сәуір 2022, 11:10

Биыл наурызда ағайынды Жүгінісовтер отбасында той болды. Мұхаммедәли Жүгінісов үйленді. Тойда ерекше салт жасалды: жаңа түскен келін ортада
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Жүгінісовтер отбасы. Сурет: instagram.com/ainur_zhugunussova Жүгінісовтер отбасы. Сурет: instagram.com/ainur_zhugunussova

Биыл наурызда ағайынды Жүгінісовтер отбасында той болды. Мұхаммедәли Жүгінісов үйленді. Тойда ерекше салт жасалды: жаңа түскен келін ортада бауырсақ пісірді. Актриса Айнұр Жүгінісова баласының тойында бүгінде дәстүрге айналған торт кесу салтанаты неге болмағанын түсіндірді, - деп хабарлайды Tengrinews.kz тілшісі.

Айнұр Жүгінісова Instagram-да той видеосынан үзінді жариялады. Онда жаңа келін Медина ағайын-туыстың ортасында бауырсақ жасап, алдымен ата-енесіне дәм татқызады. Жолдасына да берді. Кейін әулеттің үлкендеріне бауырсағын ұсынады. 

Посмотреть эту публикацию в Instagram

Публикация от Айнур Жугунусова (@ainur_zhugunussova)

Айнұр Жүгінісова осы жазбасында Мұхаммедәлидің тойында неге торт емес, бауырсақ алып шыққандарын түсіндірді.

"Нан - ас атасы, қазағымыздың ұлттық тағамдарының көшбасшысы. Қазір дәмді торт алып шығып, оның отын сөндіріп, көпшілік алдында кесіп, үлкендерге береді. Ол қазаққа жат нәрсе. Сонымен қатар, отты сөндіру расында қазақта "шаңырағыңның оты сөнбесін" деген ырымға қайшы келеді. Дәстүрді дәріптеп жүрген адам ретінде торт шырағын сөндіру, кесу деген заттар маған ерсі көрініп, мені қынжылтатын", - дейді ол.

Осылайша, Мұхаммедәлидің үйлену тойында көптің алдына қазан-ошақ алып шығып, майдың иісін шығарып, үйдің үлкендеріне және жолдасына бауырсақ ұсынылған.

"Біршама толғаныста жүріп, келіп тоқтаған ерекшелігіміз осындай болды. Оның мәні - құрып жатқан шаңырақта дастарқан майлы әрі жайлы, қонақ үзілмесін, тату өмір сүрсін деген ниетпен болды. Қазағымыздың ұлттық бас тағамын алып, сол кесілетін торттың орнына тойдағы басты ерекшелік ретінде қалыптастырғымыз келеді", - дейді Айнұр Жүгінісова.

Ол өзіміздің ұлттық құндылығымызды күнделікті үрдіске айналдырып, дәстүрімізді жаңғыртуға бірге атсалысуға шақырды. 

Посмотреть эту публикацию в Instagram

Публикация от Айнур Жугунусова (@ainur_zhugunussova)

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram