Дина Әмір АҚШ-та өтетін ірі халықаралық сұлулық байқауы - Miss World International-да Қазақстан атынан өнер көрсетеді, - деп хабарлайды Tengrinews.kz тілшісі. Байқау 8 және 11 тамыз аралығында Майамиде өтеді.
Дина қазақстандық ІТ-компанияларда 7 жыл маркетолог болып жұмыс істеген. Қазір акция және қаржы нарығында инвестициямен айналысады. АҚШ-қа бір жарым жыл бұрын көшкен. Бүгінде магистратураға түсуге дайындалып жатыр. Байқау жайлы Дина Instagram арқылы біліп, өтініш берген.
Посмотреть эту публикацию в Instagram
"Кастинг бірнеше кезеңнен тұрды. Мотивациялық хат, фото және видео жіберу керек болды. Жартылай финалға Орталық Азиядан 8 қыз өтті. Нәтижесінде финалға мен таңдалдым. Жеңіске деген мүмкіндігімді жоғары санаймын, себебі кастинг кезінде мені ерекшелеп айтып, ұйымдастырушылар көп көмектесті", - дейді ол.
Посмотреть эту публикацию в Instagram
Жарыс үш күн болады. Бұл - дәстүрлі дефиле, сұхбат және реалити форматы. Дина Әмірдің айтуынша, бұрын сұлулық жарыстарына қатысып көрмеген. Киім брендтері үшін модель ретінде суретке түскен. Miss World International-ға өзін көрсетіп, жаңа таныстар табу үшін қатысуды ұйғарған.
Посмотреть эту публикацию в Instagram
Посмотреть эту публикацию в Instagram
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
