Ресейлік ғарышкер Маңғыстау облысын ғарыш станциясынан видеоға түсірді 15 ақпан 2022, 13:21
©instagram.com/olegmks
Ресейлік ғарышкер Олег Артемьев Каспий теңізі мен Маңғыстау облысын ғарыш станциясынан видеоға түсірді, - деп хабарлайды Tengrinews.kz тілшісі lada.kz сайтына сілтеме жасап.
Ғарышкер Халықаралық ғарыш станциясынан түсірілген кадрларды Instagram желісінде жариялады. Видеоға Каспий теңізі мен Ақтау қаласы түсірілген.
"Қазақстанның үстінен ұшып барамыз. Сәлем Қазақстан! Біз үстінен өтіп бара жатқан қаланы таныдыңыз ба?" - деп жазды ғарышкер жазба сипаттамасында.
Посмотреть эту публикацию в Instagram
2020 жылы ғарышкер Маңғыстаудағы құмды дауылды ХҒС-тан түсіріп алған болатын. Олег Артемьев суретті Twitter-парақшасында жариялаған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!