Аргентиналық боксшы Маркос Мартинес Доминикан спортшысы Браулио Родригеспен жекпе-жегінен кейін YouTube жұлдызына айналды, - деп хабарлайды Lenta.ru.
Уругвайдың Монтевидео қаласында 8 тамызда өткен жекпе-жектің видеосын 1,5 миллион адам көріп үлгерді. Жекпе-жектің екінші раундында Родригес техникалық нокаутпен жеңіске жетті. Аргентиналық боксшы рингке құлап, өз бұрышына бара жатқан жолда құлап қалды. Дегенмен видеодан Мартинестің басына бірде-бір соққының тимегенін көруге болады.
Интернетте аргентиналықтың нокаутқа түсуі туралы көп пікір жазылды. "Бұл Микки Руктың жекпе-жегінен де жаман", - деп жазды Check Hook Boxing форумының қолданушысы былтырғы күзде Мәскеуде өткен Голливуд актерінің жекпе-жегін нұсқап.
24 жастағы Мартинес 17 жеңіске қол жеткізген, 3 рет жеңілген. Ол екінші жеңіл салмақта сынға түседі.
