Төбет ағаштан құлаған иесін жедел жәрдем келгенге дейін құшақтап жатқан

18 Мамыр 2017, 12:35
0
Төбет ағаштан құлаған иесін жедел жәрдем келгенге дейін құшақтап жатқан -

Аргентинаның Баия-Бланка қаласының 28 жастағы тұрғыны Йесус Хузе ағаштың бұталарын кесіп жатқан, бір сәтте оның қауіпсіздік белбеуі үзіліп кетіп, ол бірнеше метр биіктіктен құлап кеткен. Аргентиналықтың иті Тони оның жанында жедел жәрдем келгенге дейін кетпей тұрып алған, - деп хабарлайды Yahoo!.

Иесі мен төбеттің суреті Желіде тарады. Тони екі аяғын Хузенің кеудесіне қойып, жедел жәрдем көлігіне аргентиналықты мінгізгенге дейін кетпеген.

Жігіттің айтуынша, ол осы төбетті бірнеше жыл бұрын көшеден тауып алған. Сол кезден бастап, Тони оның ең жақын досы болып кеткен.

"Мен оны өзімнің ұлым деп атаймын. Ол менің жанымнан түнде де кетпейді. Әйелім оны біздің төсектен бірнеше рет қуған да", - дейді аргентилық азамат.

"Тонидің өз балалары бар. Мен оларды немерем деп санаймын", - деді Хузе.

Қазіргі уақытта ер адам ауруханада жатыр, оның денсаулығына қауіп төніп тұрған жоқ.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай