Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Сауалнамадағы материалдық жағдай туралы сұрақ алматылық ата-аналардың наразылығын тудырды

14 Қыркүйек 2016, 17:46
12
© look.com
© look.com

Алматылық гимназиялардың бірінде бірінші сынып оқушыларының ата-аналары сауалнамадағы кейбір сұрақтарға наразылық танытып жатыр, - деп хабарлайды Tengrinews.kz тілшісі.

Ата-аналарының бірінің айтуынша, 12 қыркүйекте оқушыларға сауалнама толтыру міндеттелген. Cауалнамадағы соңғы сұрақтардың бірінде отбасының материалдық жағдайы жайлы, сондай-ақ оқушылардың ата-аналары мектепке қандай көмек көрсете алатыны жайлы сұрақтар кездескен. Жауап ретіндегі нұсқалардың бірінде ата-ана түрлі-түсті принтер, компьютер құрылғыларын алып бере алады деген жауап болса, бірінде ата-ана мектептен тыс шараларды ұйымдастыруға көмектесіп, көлікпен қамтамасыз ете алады деген жауаптар болған.

"Әйелім осы сауалнаманы көрсетті. Мен ондағы сұрақтарды көріп, қатты таңғалдым. Мұны қалай түсінуге болады? Мектеп басшылығы мекемені компьютермен өздері қамтамасыз етуі керек деп ойлаймын. Мен мектеп директорының бұл жайында хабары бар ма, жоқ па ол жағын білмеймін. Бұл сауалнама тек бірінші сынып оқушыларына берілген. Бұл жеке меншік мектеп емес қой. Не дегенмен мемлекеттік мекеме. Бұл сұрақтарды жасағанда мектеп басшылығы Білім басқармасындағылармен немесе министрліктегілермен ақылдасты ма деген сұрақ туады. Олар бұл туралы біле ме?", - деді сұхбаттасушы.

Сондай-ақ, ата-аналардың айтуынша, мектепте ай сайын оқушылардан ақша жинайтын қор бар екен. "Оқушы ай сайын 4 мың теңге төлеуі керек. Олардың айтуынша, жиналған қаражат мектепті жетілдіруге, жөндеу жұмыстарына және күзеттегілерге беріледі", - деді ата-аналардың бірі.

Айта кетейік, осыған дейін ҚР білім және ғылым министрі Ерлан Сағадиев мектептердегі ақша жинау мәселесімен күресетінін айтқан болатын.


Нравится
Поделиться
Пікірлерді көру (12)
Оқылып жатыр
Талқыланып жатыр
Бүгін
Апта
Ай