"Әлем аруы - 2019" байқауында көрсетілетін Қазақстан туралы видео Желіде жарияланды

17 Қараша, 11:46
0
"Әлем аруы - 2019" байқауында көрсетілетін Қазақстан туралы видео Желіде жарияланды - Сурет: instagram.com/misskazakhstan_official
Сурет: instagram.com/misskazakhstan_official

Ұлыбританиядағы бүкіләлемдік сұлулық байқауында көрсетілетін Қазақстанның туристік орындары туралы ролик Желіде жарияланды, - деп хабарлайды Tengrinews.kz тілшісі.

Еліміздің ең әдемі аруы Мадина Батық 14 желтоқсанда Лондонда өтетін "Әлем аруы - 2019" байқауында осы видеоны көпшілікке паш етеді. Бұл кадрлар үшін түсірілім тобы екі апта жер аралап, 10 мың шақырымнан аса жол жүріп өткен екен.

Видеода Маңғышлақ түбегіндегі Бозжыра шатқалы, Іле Алатауы бөктеріндегі әлемге әйгілі Шымбұлақ тау шаңғысы курорты, Шарын шатқалы, Қайыңды көлі, ортағасырлық сәулеттің жауһары - ежелгі Сауран қаласы, Ассы үстіртіндегі биік таулы обсерватория, қасиетті Түркістандағы Қожа Ахмет Яссауи кесенесі, Ақмешіт үңгірінің құпиясы, Каспий және Қазақстанның астанасы Нұр-Сұлтан көрсетілген.

Ролик кейіпкері Мадина Батық қонақтарды Қазақстанның көрікті жерлерін тамашалауға шақырады.

Ұйымдастырушылардың айтуынша, түсірілім кейде экстремал жағдайда өткен. Мысалы, салмағы 20 келі көйлекпен Мадина Бутаков шатқалында атқа отырып, тауға тік беткеймен көтерілуге тура келген және мұндай жағдайлар бірнеше рет болыпты. 

Посмотреть эту публикацию в Instagram

Публикация от МИСС КАЗАХСТАН (@misskazakhstan_official)

Қазіргі таңда қазақстандық қыз байқауға дайындыған аяқтап жатыр. 19 қарашада Мадина Лондонға ұшады, онда әлемнің ең сұлу қыздары байқау алдындағы қайырымдылық және әлеуметтік акцияларға қатысады.

Еске салайық, Мадина Батық "Қазақстан аруы" атағын 2019 жылы мамырда ұлттық сұлулық байқауында жеңіп алған болатын.

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай