"Асқан шеберлігін көрсетті". Тоқаев Рыбакинаны тарихи жеңісімен құттықтады 20 наурыз 2023, 10:27
Мемлекет басшысы Қасым-Жомарт Тоқаев Қазақстанның үздік теннисшісі Елена Рыбакинаны WTA 1000 санатындағы турнирдегі алғашқы жеңісімен құттықтады, - деп хабарлайды Tengrinews.kz тілшісі.
"Индиан-Уэллстегі беделді турнирде жарқын жеңіске жеткен Елена Рыбакинаны @lenarybakina құттықтаймын. Біздің спортшымыз асқан шеберлігін, жеңіске деген мұқалмас ерік-жігерін және спорттағы жоғары мәдениет үлгісін көрсетті. Елена әлемдегі үздік корттарда жаңа жетістіктерге жете береді деп сенемін!", - деп жазды Президент Instagram-парақшасында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!