Ерлер арасында Қазақстанның бірінші нөмірлі теннисшісі Александр Бублик Олимпиада ойындарының бірінші айналымында сүрінді, - деп хабарлайды Tengrinews.kz тілшісі Vesti.kz порталына сілтеме жасап.
Олимпиада ойындарының бірінші айналымында отандасымыз әлемнің екінші нөмірлі теннисшісі ресейлік Даниил Медведевпен кездесіп, 6:4, 7:6 есебімен жеңіліп қалды. Ойын 1 сағат 41 минутқа созылды.
Енді қазақстандық теннисші бүгін Андрей Голубовпен жұптық сында өнер көрсетеді. Қарсылас та белгілі. Олар франциялық Жереми Шарди және Гаэль Монфис.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
