Елена Рыбакина Australian Open финалына шықты 26 қаңтар 2023, 16:44
Қазақстандық теннисші Елена Рыбакина Мельбурнде өтіп жатқан Australian Open – 2023 жарысының финалына шықты, - деп хабарлайды Tengri Sport.
Отандасымыз жартылай финалда Беларусь спортшысы Виктория Азаренкодан басым түсті.
1 сағат 42 минутқа созылған ойында Елена 7:6 және 6:3 есебімен екі сетте-ақ жеңіске жетті. Осылайша, "Үлкен дулыға" санатындағы жарыста топ жаруға бір табан жақындай түсті.
Елена Рыбакина – Australian Open жарысының финалына шыққан алғашқы қазақстандық теннисші. Бұған дейін "Үлкен дулыға" санатына енетін "Уимблдон" жарысында топ жарған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!