Қазақстандық теннисші Михаил Кукушкин АҚШ-та өтіп жатқан "Челленджер" турнирінің жекелей сынында финалға шықты, - деп хабарлайды Vesti.kz. Турнирдің жартылай финалында қазақстандық теннисші Уильямс Ричардты 6:2, 6:2 есебімен ұтты.
Айта кетейік, турнирдің бірінші айналымында Михаил жапониялық Ясутаку Учияманы 6:2, 6:3 есебімен, екінші айналымда британдық Джеймс Уордты 6:3, 6:4 есебімен ұтса, ширек финалда үндіс Сомдева Девварманды 7:5, 4:6, 6:2 есебімен жеңді. Енді финалда отандасымыз кипрлік Маркос Багдатиспен ойнайды. Маркос өз кезегінде жартылай финалда жапониялық Го Саеданы 6:4, 6:2 есебімен жеңді. "Челленджер" турнирінің жалпы сыйақы қоры 100 мың доллар.
Еске салайық, Михаил Кукушкин "Уимблдон" турнирінен кейін АТР рейтингінде 52-ші орынға көтерілген еді. Қазақстандық теннисші ол турнирдің екі кезеңінен сәтті өтіп, үшінші айналымында Рафаэль Надальға жеңіліп қалды.
