Қазақстандық теннисші Зарина Дияс жұптасып өнер көрсетуде АҚШ-тың ашық чемпионатының (US Open) ширек финалына шықты, деп хабарлайды Vesti.kz.
Үшінші айналым матчында 20 жастағы Зарина Дияс қытайлық И Фань Сюймен жұптасып, чехиялық Люси Храдечк пен голландиялық Михаэл Крайчектің жұбынан басым түсті. Кездесу қорытындысы 7:6 (7:3), 6:2. Зарины Дияс пен И Фань Сюйнің ендігі қарсыласы Сания Мирза (Үндістан) / Кара Блэк (Зимбабве) - Елена Янкович (Сербия) / Клара Коукалова (Чехия) ойынынан кейін белгілі болады.
Еске саламыз, Зарина Дияс жекелей сайыста үшінші айналымға дейін жеткенімен, келесі ойында ресейлік теннисші Екатерина Макароваға 2:6, 4:6 жеңіліп қалған болатын.
