АҚШ-та коронавирустан қайтыс болғандар саны 200 мыңнан асты, - деп хабарлайды Tengrinews.kz тілшісі Джонс Хопкинс университетінің сайтына сілтеме жасап.
23 қыркүйектегі дерекке сәйкес, АҚШ-та 6 894 586 адам COVID-19 жұқтырған. 2 646 959 науқас айықса, 200 724 адам аурудан көз жұмған. Осылайша, АҚШ вирусты жұқтырғандар мен қайтыс болғандар саны бойынша әлемде бірінші орында тұр.
Өлім деңгейі бойынша екінші орында - Бразилия. Онда 137 мыңнан аса адам қайтыс болған. Үшінші орында Үндістан тұр, мұнда 88 935 адам көз жұмған.
Қазақстан жаңалықтары. Соңғы жаңалықтар. Telegram желісінде бізге жазыл!
