Антарктикадағы базаға бағыт алған чилилік әскери ұшақ радардан жоғалып кеткен. Бортта 38 адам болған, - деп хабарлайды РИА Новости.
"C130 Hercules ұшағы 16:55-те ұшып (01.55 Нұр-Сұлтан уақыты бойынша), 18:13-те байланыстан ажырап кетті (03.13 Нұр-Сұлтан уақыты бойынша). Ол Пунта-Аренас қаласындағы "Чабунко" базасынан Антарктикадағы әуе базасына бағыт алған. Бортта барлығы 38 адам, оның 17-сі - экипаж мүшесі 21-і - жолаушы болған", - делінген ВВС Чилидің Twitter желісіндегі парақшасында.
Ұшақ базалардың бірін жанармаймен қамтамасыз ететін мұнай құбырында қызмет ететін жұмысшыларды тасымалдап келе жатқан. ВВС Чили генералы Эдуардо Москейру ұшақтағы жанармай Нұр-Сұлтан уақыты бойынша шамамен 09:40-та бітуі керек болғанын хабарлаған.
C-130 - орта және үлкен қашықтықтағы америкалық әскери-көлік ұшағы. АҚШ-тың және Солтүстік Атлантикалық келісім ұйымы елдерінің негізгі әскери-көлік ұшағы. 2014 жылға бұл - әлемдегі ең көп таралған әскери көлік ұшағы болған. ВВС Чилиде осы секілді жеті ұшақ бар.